ჩეხეთთან ბრწყინვალე გამარჯვების შემდეგ ქართველი ფეხბურთელები ქომაგებთან მივიდნენ და მოგებული მატჩი მათთან ერთად აღნიშნეს, თავისი ქმედებით გამოირჩა გიორგი მამარდაშვილი, რომელიც ტრიბუნაზე ავიდა და შეძახილებში ქომაგებთან ერთად მიიღო მონაწილეობა.
აღნიშნულ ფოტოს ფაბრიციო რომანო ავრცელებს და წერს, რომ ქართველი მეკარის ლიდერობის უნარი ერთ-ერთი დამატებითი ფაქტორი იყო, რომელმაც ლივერპულს მისი დამატების გადაწყვეტილება მიაღებინა.
მამარდაშვილმა ჩეხეთთან 4 მოგერიება დააგროვა და Sofascore-სგან 7.0 შეფასებაც დაიმსახურა.
ლივერპული ვალენსიას გიორგის სანაცვლოდ 30+5 მილიონ ევროზე შეუთანხმდა და ქართველი მეკარე მერსისაიდულ გუნდს 2025 წელს შეუერთდება.
