პატრიკ ვიეირა სერია ა-ს გუნდს ჩაიბარებს

ლეგენდარული ფრანგი ფეხბურთელი, პატრიკ ვიეირა იტალიურ ჯენოას ჩაიბარებს.

ფაბრიციო რომანოს ინფორმაციით, მხარეებს შორის შეთანხმება დაიხურა და ვიეირა ჯენოას მთავარი მწვრთნელის პოსტს ალბერტო ჯილარდინოსგან გადაიბარებს.

სერია ა-ს 12 ტურის შემდეგ ჯენოა 10 ქულით მე-17 პოზიციაზეა და გასავარდნ ზონას მხოლოდ 1 ქულით არის მოშორებული.

ვიეირას უკანასკნელი გაწვრთნილი გუნდი სტრასბურგი იყო, რომელშიც ის 2023 წლიდან მუშაობდა და თანამდებობა წელს დატოვა.