პრემიერ ლიგამ ახალი ყოველწლიური ჯილდოს შექმნა დააანონსა, რომლითაც სეზონის საუკეთესო ტრანსფერი გამოვლინდება
როგორც ნომინაციის დასახელებიდანვე ჩანს, ეს ჯილდო იმ ფეხბურთელს გადაეცემა, რომელიც გასულ ზაფხულს ან იანვრის სატრანსფერო ფანჯრის დროს კლუბების მიერ განხორციელებულ საუკეთესო შენაძენად მიიჩნევა.
ნომინანტებს შორის მანჩესტერ სიტიდან ორი ფეხბურთელი მოხვდა (რაიან შერკი და ანტუან სემენიო), ხოლო მანჩესტერ იუნაიტედიდან თავი მეკარე სენე ლამენსმა გამოიჩინა, რომელმაც ბრწყინვალე სეზონი ჩაატარა.
საუკეთესო ტრანსფერის ტიტულისთვის ასევე იბრძოლებენ თავდამსხმელები ვიქტორ გიოკერეში და ჟოაო პედრო, ისევე როგორც ადრიენ ტრიუფერი ბორნმუთიდან.
ნომინანტთა სიას ასრულებენ ფეხბურთელები, რომლებმაც კარიერა ახალი ძალებით ააღორძინეს - ლიდსის დომინიკ კალვერტ-ლუინი და სანდერლენდის კაპიტანი გრანიტ ჯაკა.
გულშემატკივრებისთვის ხმის მიცემის პროცესი უკვე გახსნილია, ხოლო გამარჯვებულის ვინაობა მომავალ კვირას გახდება ცნობილი.
