ჩემპიონთა ლიგის წილისყრამ ქართული ფეხბურთელების დაპირისპირება გვაჩუქა.
საქმე ისაა, რომ პსჟ-ს მეტოქეებს შორის ლისაბონის სპორტინგიც მოხვდა, რომელშიც ამ ზაფხულს საქართველოს ნაკრების ნახევარმცველი, გიორგი ქოჩორაშვილი გადავიდა.
გუნდებს შორის გასამართი დაპირისპირება ლისაბონში, სტადიონ ჟოზე ალვალადეზე გაიმართება.
ამ ეტაპზე უცნობია მატჩის ჩატარების ზუსტი რიცხვი და დრო, ეს ყველაფერი უეფას მიერ კალენდრის გამოქვეყნების შემდეგ გაირკვევა.
პსჟ-ს მეტოქეები: ბაიერნი, ბარსელონა, ატალანტა, ლევერკუზენი, ტოტენჰემი, სპორტინგი, ნიუკასლი, ბილბაო
სპორტინგის მეტოქეები: პსჟ, ბაიერნი, ბრიუგე, იუვენტუსი, მარსელი, ნაპოლი, კაირატი, ბილბაო.
