ქართველების შეხვედრა და მიქაუტაძის დებიუტი

ქართველი ფეხბურთელების გუნდები ახალი სეზონისთვის ემზადებიან და ამხანაგურ მატჩებს მართავენ.

ერთ მატჩში კი საქართველოს ნაკრების 2 ფეხბურთელი გადაიკვეთა. გიორგი მიქაუტაძის ლიონი საბა საზონოვის ტორინოს შეხვდა.

ქართველი მოთამაშეები სათადარიგო სკამზე იყვნენ და თამაშში ერთდროულად ჩაერთვნენ. გიორგი და საბა მოედანზე 76-ე წუთზე შემოვიდნენ და ბოლო 15 წუთი თავის გამოჩენის საშუალება მიეცათ.

მიქაუტაძისთვის ეს ლიონის შემადგენლობაში სადებიუტო მატჩი იყო. შეხვედრა უგოლო ფრედ (0-0) დასრულდა.

ლიონი 3 აგვისტოს კიდევ ერთ ამხანაგურ მატჩს უნიონ ბერლინის წინააღმდეგ გამართავს. 11 აგვისტოს კი ემირეითსის თასზე ლონდონის არსენალს დაუპირისპირდება.

ლიგა 1-ის პირველი ტურის შეხვედრაში ლიონი რენს 18 აგვისტოს ესტუმრება.

რაც შეეხება ტორინოს, იტალიური გუნდი 11 აგვისტოს ამხანაგურად კოსენცას ეთამაშება, 17 აგვისტოს კი სერია ა-ს პირველ ტურში სან სიროს ესტუმრება, სადაც მილანს შეხვდება.