ქართველი მსაჯი პარიზში

პარიზის 2024 წლის ოლიმპიადაზე ქართველ ოლიმპიელ სპორტსმენებთან ერთად შესაძლოა გულშემატკივრის ყურადღება კიდევ ერთმა ქართველმა მიიპყროს.

ძიუდოს ტურნირზე ერთ-ერთი მსაჯი ქართველი ვლადიმერ ნუცუბიძეა, რომელსაც უკვე მე-3 ოლიმპიადაზე მსაჯობის უფლება მიეცა.

ნუცუბიძე 2016 წელს რიოში და 2021 წელს ტოკიოში სჯიდა ძიუდოს შეხვედრებს, წელს კი უკვე მას პარიზულ ტატამიზე ვხედავთ.

54 წლის ვლადიმერ ნუცუბიძე მსოფლიო ძიუდოს სამყაროში ერთ-ერთი ყველაზე გამოცდილი და საუკეთესოთა შორის მიჩნეული მსაჯია, რომელსაც ბევრჯერ უმნიშნველოვანესი შეხვედრები ანდეს, დაწყებული გრანდსლემებითა და მასტერებით დამთავრებული ევროპისა და მსოფლიოს ჩემპიონატებით და აგერ უკვე მე-3 ოლიმპიადით.