ესპანეთის ლა ლიგა 2-ის მე-3 ტურში ლევანტე ეიბარს ესტუმრა. სასტარტო შემადგენლობაში იყო გიორგი ქოჩორაშვილი.
შეხვედრაში ანგარიში სწრაფი გოლით გაიხსნა, რომელიც სწორედ ქართველი ნახევარმცველის აქტიურობას მოჰყვა. გიორგიმ ეფექტური პასით თანაგუნდელი როხერ ბრუგე ერთი ერთზე გაიყვანა და ლევანტეც დაწინაურდა.
ვალენსიელებმა პირველი ტაიმი მოიგეს, თუმცა მატჩის მეორე ნახევრის დაწყებიდან მალევე ანტონიო პუერტასმა ანგარიში გაათანაბრა.
ქოჩორაშვილი 75-ე წუთზე შეცვალეს. 79-ე წუთზე ივან რომერომ კვლავ წინ გაიყვანა სტუმრები, რომლებიც მატჩის მოგებასთან ახლოს იყვნენ, თუმცა 92-ე წუთზე პუერტასმა დუბლი შეასრულა და ეიბარს ქულა მოუპოვა.
ქართველმა მოთამაშემ Sofascore-სგან 7.1 შეფასება დაიმსახურა. მისი 27 პასიდან 26 ზუსტი იყო.
ლევანტეს ჩემპიონატში 3 ტურის შემდეგ 5 ქულა აქვს და სატურნირო ცხრილში მე-7 ადგილზეა, ქოჩორაშვილის ანგარიშზე კი უკვე 1 გოლი და 1 საგოლე გადაცემაა.
