"ყველას მივმართავ, მე უკრაინელი ვარ", - პორტუგალიურმა გამოცემამ ტრუბინს რუსი უწოდა

პორტუგალიურმა გამოცემა A Bola-მ ბენფიკას უკრაინელ გოლკიპერს, ანატოლი ტრუბინს, რუსი უწოდა.

ბაიერნი - ბენფიკას მატჩის შემდეგ, გამოცემამ ტრუბინის კომენტარი გამოაქვეყნა, რომელშიც თავდაპირველად "რუს მეკარედ" იყო მოხსენიებული, მოგვიანებით, სტატია ჩასწორდა.

„ყველა მედიას მივმართავ - მე უკრაინელი ვარ." - წერს ტრუბინი სოციალურ ქსელში.

ალიანც არენაზე გამართული  მატჩი ბაიერნმა მინიმალური ანგარიშით 1:0 მოიგო. ერთადერთი გოლი ტრუბინს იმ მატჩში ჯამალ მუსიალამ გაუტანა.