რა ხდება დინამო არენასთან დაკავშირებით?

ახლოვდება შემოდგომა და უეფას ერთა ლიგის გათამაშება, სადაც საქართველოს საფეხბურთო ნაკრები მნიშვნელოვან მატჩებს გამართავს.

ოფიციალური ინფორმაციით ეროვნული ნაკრების საშინაო მატჩები მიხეილ მესხის სახელობის სტადიონსა და ბათუმის აჭარაბეთ არენაზე გაიმართება.

რატომ ითქვა უარი დინამო არენაზე თამაშზე? ამის მიზეზებზე საქართველოს პრემიერ-მინისტრმა ისაუბრა.

"ახალი სტადიონის პროექტი გვაქვს დაანონსებული. დინამოს სტადიონი, ჩვენი ქვეყნის მთავარი სტადიონი, არის ამორტიზებული, მდგრადობის პრობლემები შეიძლება შეიქმნას. აქედან გამომდინარე, გვჭირდება ამ მიმართულებით ახალი ინფრასტრუქტურის განვითარება" - თქვა კობახიძემ.

Geo Team-ის ინფორმაციით, დინამო არენას ძველი ნაგებობის გამო, სტადიონს ყოველწლიურად უსაფრთხოების ნორმებს გადიოდა და შესაბამისი სტატუსი ენიჭებოდა, ამ მომენტისთვის კი ეს სტატუსი არ განახლებულა.

ერთა ლიგის პირველი ორი საშინაო მატჩი ჩეხეთისა და ალბანეთის ნაკრების წინააღმდეგ, რომლებიც შესაბამისად 7 სექტემბერსა და 14 ოქტომბერს გაიმართება, მიხეილ მესხის სახელობის სტადიონზეა დანიშნული, 16 ნოემბერს კი უკრაინის ნაკრებს ბათუმის აჭარაბეთ არენაზე ვუმასპინძლებთ.