რა თქვა მწვრთნელმა ქოჩორაშვილზე მისი ასისტის შემდეგ?

ლა ლიგის მე-5 ტურში გიორგი ქოჩორაშვილის სევილიამ ვალენსია 1:0 დაამარცხა.

გამარჯვების გოლის ასისტი ქოჩორაშვილს ჩაეწერა აქტივში, რომელიც მოედანზე 71-ე წუთზე გამოჩნდა და თავისი გუნდის თამაშში გარდამტეხი როლი შეასრულა.

VIDEO: ბრწყინვალე ჩაწოდება - ქოჩორაშვილის პირველი საგოლე მოქმედება სევილიაში

მატჩის შემდეგ ანდალუსიელთა მთავარმა მწვრთნელმა ლუის გარსიამ ძირითად ტაქტიკაზე ისაუბრა:

როდესაც შემადგენლობა დაკომპლექტდება, სამი ვარიანტი გვაქვს: ვვითამაშოთ 4-3-3 ან 4-4-2 სქემით. წინა დღეს ჩვენ 4-3-3 ავირჩიეთ, რადგან ვფიქრობთ, რომ ეს გვაწყობს და ეს არ არის იგივე, რაც ადრე. არ ვფიქრობ, რომ სევილია ყოველთვის ორი თავდამსხმელით ან სამი ნახევარმცველით ითამაშებს. როტაცია იქნება.

მწვრთნელმა აღნიშნა:

ასევე ჩვენ გვაკლდა მოთამაშეები, როგორიც არიან გიორგი ქოჩორაშვილი და ჯონ გურიდი, რომლებიც ძალიან კარგად თამაშობენ და თავიანთ მოვალეობებს კარგად ასრულებენ.

ამ გამარჯვების შემდეგ სევილია 10 ქულით მე-3 ადგილზე იმყოფება, თუმცა ტურის დასრულების შემდეგ, დიდი ალბათობით, ცხრილში ცოტათი ქვემოთ ჩამოიწევა.

სანაკრებო პაუზამდე სევილიას ლა ლიგის ორი ტური ელის: 16 სექტემბერს დეპორტივოს (21:00) უმასპინძლებენ, ხოლო 19 სექტემბერს კი კამპ ნოუზე ბარსელონას დაუპირისპირდებიან.