კატალონიის ბარსელონა მზადაა, არაბულ დეველოპერულ კომპანიასთან, Ohana Real Estate Development and Construction LLC-სთან ახალი სასპონსორო ხელშეკრულება დაამტკიცოს. გარიგებას კენჭს 19 სექტემბერს დაგეგმილ გენერალურ ასამბლეაზე უყრიან.
ფინანსური დეტალები და პროექტი
ბრენდის გამოყენება: ხელშეკრულება 25 წელზე მეტხანს გასტანს და ითვალისწინებს არაბთა გაერთიანებულ საამიროებში მდებარე მდიდრულ საცხოვრებელ კომპლექსში ბარსელონას ბრენდის ექსკლუზიურ ინტეგრაციას.
ანაზღაურება: კლუბმა წინასწარი შესატანის სახით 2-3 მილიონი ევრო უკვე მიიღო. ძირითადი თანხა მომდევნო სამი ფინანსური წლის განმავლობაში დაიფარება - წელიწადში 10 მილიონი ევროს ოდენობით.
რა შეიცვლება ბარსელონას მაისურზე?
ახალი გარიგების ფარგლებში, 2027 წლიდან ბარსელონას მაისურის ზურგზე Ohana-ს ლოგო განთავსდება. სასპონსორო კონტრაქტი მაისურზე ლოგოს დატანას 3 წლის ვადით ითვალისწინებს, თუმცა მოიცავს ერთ მნიშვნელოვან გამონაკლისს:
ახალი სპონსორის ლოგო მაისურზე მხოლოდ ესპანეთის შიდა ტურნირების მატჩებში გამოჩნდება.
ევროტურნირებზე გუნდი კვლავ ტრადიციული წესით ითამაშებს და მაისურის ზურგზე Fundació Barça-ს ლოგო შენარჩუნდება.
