ბარსელონას და ბრაზილიის ნაკრების ვინგერი, რაფინია, რონალდინიოს არ დაეთანხმა.
დღეს ლეგენდარულმა ბრაზილიელმა სოციალურ ქსელში გამოაქვეყნა პოსტი, რომელშიც ბრაზილიის მოქმედ ნაკრებს აკრიტიკებს და ამბობს, რომ ამ გუნდის თამაშების ყურებასაც კი აღარ აპირებს.
„რონალდინიოს პოსტი? არ ვიცი ეს რეკლამას ემსახურებოდა თუ არა, მაგრამ... როგორც მითხრეს, რამდენიმე დღის წინ მან ვინისიუსს ჩვენი თამაშის ბილეთები სთხოვა (იცინის).
ნებისმიერ შემთხვევაში, მისმა პოსტმა გამაკვირვა და მის ამ განცხადებას არ ვეთანხმები.“ - ციტირებს რაფინიას სიტყვებს ფაბრიციო რომანო.
