საფრანგეთისა და ერაყის მატჩი, რომელიც ფილადელფიაში მიმდინარეობდა, უამინდობის გამო შეწყდა.
პირველი ტაიმის შემდეგ სტადიონზე ძლიერი წვიმა დაიწყო, ხოლო მოგვიანებით მეხის ჩამოვარდნის საშიშროებამ ფიფას უსაფრთხოების პროტოკოლის ამოქმედება გამოიწვია, რის გამოც გულშემატკივრები და მოთამაშეები იძულებულნი გახდნენ შენობას შეფარებოდნენ გახდნენ.
ფიფა ადგილობრივი ხელისუფლების წესების შესაბამისად მოქმედებს, რომლის მიხედვითაც, თუ სტადიონიდან რვა მილის რადიუსში მეხი ჩამოვარდება, თამაში უნდა შეჩერდეს. ყოველი მეხის დაფიქსირებისას იწყება 15-წუთიანი ათვლა, რომელიც ხელახლა ნულდება ყოველი მომდევნო მეხის დროს. მას შემდეგ, რაც უსაფრთხოების 15-წუთიანი პერიოდი უინციდენტოდ გაივლის, ფეხბურთელებს დამატებით 15-წუთიანი გახურების დრო ეძლევათ.
აღნიშნული შეფერხება ხაზს უსვამს მუნდიალის მასპინძელ ქვეყნებში (აშშ, კანადა, მექსიკა) ამინდის გამო თამაშების გადადების რეალურ რისკს, რადგან ტურნირი ქარიშხლების სეზონს ემთხვევა. თუ მსგავსი პირობები მატჩის სრულად შეწყვეტას გამოიწვევს, რეგულაციების თანახმად, შეხვედრა სხვა დღეს განახლდება ზუსტად იმ წუთიდან, როცა ის შეჩერდა.
