რეალი კარვახალის შემცვლელის შეძენას არ აპირებს

როგორც დღეს ესპანური პრესა იუწყება, მადრიდის რეალი ტრავმირებული დანი კარვახალის შემცვლელის შეძენას არ აპირებს.

ვილიარეალთან 5 ოქტომბრის მატჩში კარვახალმა მუხლის მძიმე ტრავმა მიიღო და დაახლოებით ერთი წელი გაუცდება.

COPE-ს ინფორმაციით, რეალის ხელმძღვანელობა არც ახლა და არც ზამთრის სატრანსფერო ფანჯრის დროს კარვახალის შემცვლელის შეძენას არ აპირებს. კლუბში ფიქრობენ, რომ კარვახალის შეცვლას ლუკას ვასკესი იდეალურად შეძლებს.

მიუხედავად ამისა, ხელმძღვანელობა სიტუაციას აკვირდება და თუ გუნდში ტრავმიანობამ იმატა და ვითარება გაუარესდა, მაშინ კლუბმა ბაზარზე არგასვლის გადაწყვეტილებას შეიძლება გადახედოს.