მაროკოს ფეხბურთის ფედერაციის ოფიციალური განცხადებით, ბეტისის ვინგერმა, აბდემ, მარჯვენა მუხლის მედიალური გვერდითი იოგის დაჭიმულობა მიიღო, რის გამოც მსოფლიო ჩემპიონატის ჯგუფურ ეტაპს გამოტოვებს.
ფეხბურთელმა ტრავმა ნორვეგიასთან ამხანაგური მატჩის დროს, თანაგუნდელ შადი რიადთან შეჯახებისას მიიღო.
დიაგნოზის მიხედვით, აღდგენით პროცესს დაახლოებით ოთხი კვირა დასჭირდება. მიუხედავად ამისა, მაროკოს ნაკრების სამწვრთნელო შტაბმა გადაწყვიტა მოთამაშე განაცხადში დატოვოს.
ის ნამდვილად გამოტოვებს პირველ ორ შეხვედრას ბრაზილიისა და შოტლანდიის წინააღმდეგ. მისი თამაში ჰაიტისთან მესამე მატჩშიც (25 ივნისს) ნაკლებად სავარაუდოა, თუმცა გეგმის მიხედვით, აბდე მზად უნდა იყოს პლეი-ოფის სტადიისთვის, თუ მაროკო ჯგუფიდან გასვლას მოახერხებს.
ბეტისისა და მაროკოს სამედიცინო შტაბები ფეხბურთელის რეაბილიტაციას ერთობლივად გააკონტროლებენ.
