15 სექტემბერს UFC 306-ზე მერაბ დვალიშვილი საჩემპიონო ბრძოლაში UFC-ის ქვემსუბუქი წონის ჩემპიონ ამერიკელ შონ ო'მალის დაუპირისპირდება და შეეცდება მას ტიტული წაართვას.
საინტერესოა, თუ რა გზა გაიარა მერაბის მეტოქემ UFC-ში და როგორ მივიდა ჩემპიონობამდე. შონ ო'მალის MMA რეკორდი 18-1-0 არის, აქედან კი UFC-ში მან 12 ბრძოლა ჩაატარა, საიდანაც 10 მოიგო, 1 წააგო, ერთიც კი No Contest-ად გამოცხადდა.
ამერიკელის დებიუტი UFC-ში 2017 წლის დეკემბერში შედგა. მისი პირველი მეტოქე ტერიონ უეირი იყო, რომელიც გადაწყვეტილებით დაამარცხა. 2018 წლის მარტში შუგა ანდრე სუხამტატს შეებრძოლა და მასაც გადაწყვეტილებით აჯობა.
ო'მალის კარიერაში ყველაზე აქტიური წლები 2020 და 2021 იყო. მან ამ 2 წელიწადში ჯამში 6 ბრძოლა ჩაატარა.
2020 წელს ო'მალიმ 3 ბრძოლა 6 თვეში ჩაატარა, სამივე ბრძოლა პირველ რაუნდში დასრულდა. მარტში შონმა ხოსე ალბერტო კინიონესი დაამარცხა ტექნიკური ნოკაუტით, ივნისში კი ედი უაინლენდს სძლია იმავე მეთოდით.
2020 წლის აგვისტოში ო'მალიმ UFC-ში პირველი და აქამდე უკანასკნელი მარცხი განიცადა. მას პირველ რაუნდში მარლონ ვერამ მოუგო ტექნიკური ნოკაუტით.
2021 წელსაც ამერიკელმა 3 ბრძოლა ჩაატარა და სამივე მათგანში ნოკაუტით იმარჯვა. მარტში მისი მეტოქე ტომას ალმეიდა იყო, ივლისში კრის მოუტინიო, დეკემბერში კი რაულიან პაივა. სამივე მათგანს შონმა ბრძოლა ნაადრევად დაუსრულა.
2022 წლის ივლისში პედრო მუნიოსთან ბრძოლა ე.წ. No Contest-ად გამოცხადდა და შედეგის გარეშე დასრულდა. აქედან რამდენიმე თვეში ო'მალი რუს პიოტრ იანს შეხვდა და მეტოქე გადაწყვეტილებით დაამარცხა.
2023 წლის აგვისტოში კი შუგამ უკვე საჩემპიონო ბრძოლა მიიღო. მისი მეტოქე სუპერმსუბუქი წონის მაშინდელი ჩემპიონი ალჯამაინ სტერლინგი იყო, რომელსაც ო'მალი ბრძოლა მეორე რაუნდში დაუსრულა და UFC-ის ახალი ჩემპიონი გახდა.
2024 წლის მარტში კი შონმა ტიტული პირველად დაიცვა და მარლონ ვერას გადაწყვეტილებით სძლია.
15 სექტემბერს ო'მალი ქამრის დაცვას მორიგ ჯერზე შეეცდება, თუმცა ამჯერად მეტოქე მერაბ დვალიშვილია, რომელიც თავის მხრივ მზად არის, რომ ამერიკელს ტიტული წაართვას და UFC-ის მორიგი ქართველი ჩემპიონი გახდეს.
ფოტოისტორია: დვალიშვილისა და ო'მალის საჩემპიონო პირისპირ დგომი
ფოტო: ლაშა კუპრაშვილი
