თურქულ სპორტულ მედიაში გავრცელებული უახლესი ინფორმაციის თანახმად, სტამბოლის გალათასარაის საკალათბურთო კლუბის მთავარი მწვრთნელის პოსტზე მანუჩარ მარკოიშვილი დაინიშნა.
ქართველი სპეციალისტი თურქეთში მარტო არ მიდის. მის სამწვრთნელო შტაბში იმუშავებს უკრაინელი სპეციალისტი სერგეი გლადირიც, რომელთან ერთადაც მარკოიშვილი ფრანგულ მონაკოში წარმატებით საქმიანობდა.
აღსანიშნავია, რომ მანუჩარ მარკოიშვილი ამჟამად საქართველოს ეროვნული ნაკრების მთავარი მწვრთნელის, ალექსანდრ ჯიკიჩის ასისტენტის პოსტსაც იკავებს.
რაც შეეხება თავად გალათასარაის, სტამბოლური კლუბი ევროპული კალათბურთის ერთ-ერთი გამორჩეული და მდიდარი ტრადიციების მქონე ორგანიზაციაა.
გუნდი შიდა ასპარეზზე ევროპის ერთ-ერთ უძლიერეს, თურქეთის სუპერლიგაში (BSL) ასპარეზობს, სადაც ჩემპიონის ტიტული 18-ჯერ აქვს მოპოვებული.
საერთაშორისო სარბიელზე, სადაც ამჟამად ფიბა-ს ჩემპიონთა ლიგაში გამოდის, კლუბის უდიდეს მიღწევად 2015-2016 წლების სეზონში ევროპის თასის (EuroCup) მოგება ითვლება.
