საქართველოს ნაკრების მთავარმა მწვრთნელმა, ვილი სანიოლმა, გიორგი არაბიძის კვლავ განაცხადს მიღმა დატოვებაზე ისაუბრა.
„არაბიძე გაფართოებულ სიაში მოიაზრებოდა. ტორპედოში მას კარგი სეზონი ჰქონდა და ვაკვირდებოდი.
მის ნაკრებში გამოძახებას ბევრი ითხოვს, მაგრამ მისი თამაშის ინტენსივობით კმაყოფილი არ ვიყავი.
არ ვარ საუკეთესო, მაგრამ იურგენ კლოპი ერთ-ერთი საუკეთესო ნამდვილად არის და მას აქვს ნათქვამი, რომ ერთადერთი, ვისაც შეუძლია, ინტენსიური ფეხბურთი არ ითამაშოს - არის ლეო მესი.
თანამედროვე ფეხბურთში ინტენსივობა ყველაზე მნიშვნელოვანია და არაბიძესაც სწორედ ამ ასპექტში აქვს მოსამატებელი." - აღნიშნა სანიოლმა დღევანდელ პრესკონფერენციაზე.
