ბათუმში, აჭარაბეთ არენაზე საქართველოს 21-წლამდელთა ნაკრებმა ევროპის ჩემპიონატის საკვალიფიკაციო ეტაპის მატჩში მოლდოვა 3:0 გაანადგურა.
პირველ ტაიმში ანგარიში მე-14 წუთზე მამაგეიშვილმა გახსნა. ორამდე სხვაობა უკვე მეორე ტაიმში, გიორგი კვერნაძემ გაზარდა. მატჩში წერტილი კი გიორგი აბუაშვილმა 72-ე წუთზე დასვა.
აუცილებლად აღსანიშნავია ლაშა ოდიშარიას დიდებული თამაშიც, რომელმაც სამივე გოლის დროს ასისტენტის როლი ითავა.
ამ გამარჯვებით საქართველომ ზედიზედ მესამე თამაშის მოგება შეძლო, 16 ქულა დააგროვა და მეორე ადგილს მტკიცედ იკავებს. მესამეადგილოსან შვედეთს 10 ქულა და ერთი მატჩით ნაკლები აქვს ჩატარებული.
პირველ ადგილზე კი ნიდერლანდების ნაკრებია 21 ქულით, თუმცა თავისი დღევანდელი მატჩის მოგების შემთხვევაში, 8 მატჩში 24 ქულას მაქსიმალურ 24 ქულას დააგროვებს.
შემდეგ მატჩს რამაზ სვანაძის გუნდი 9 სექტემბერს, ჯგუფის ლიდერის, ნიდერლანდების წინააღმდეგ, გასვლაზე გამართავს.
