საქართველოს ხელბურთის ნაკრები ევროპის ჩემპიონატზე ითამაშებს!

საქართველოს ნაკრები ევროპის ჩემპიონატზე ითამაშებს. ჩვენმა გუნდმა საბერძნეთის ნაკრები 29-26 დაამარცხა და კონტინენტის პირველობაზე თამაში გაინაღდა.

ეროვნული გუნდი ევროპის ჩემპიონატზე ზედიზედ მეორედ გავიდა, წინა ასპარეზობა საქართველოსთვის სადებიუტო იყო.

ნაკრებმა შესარჩევი ჯგუფი ზედიზედ 2 მარცხით დაიწყო. პირველ შეხვედრაში სწორედ საბერძნეთთან დავმარცხდით 27:26, შემდეგ კი ისლანდიასთან დავთმეთ მატჩი 25:30.

ცუდი სტარტის შემდეგ გუნდმა მობილიზება მოახერხა და ბოსნია და ჰერცეგოვინას ზედიზედ 2-ჯერ მოუგო - სახლში 28:26, გასვლაზე კი - 20:22.

საბერძნეთის დამარცხებით კი საქართველომ ევროზე თამაში გაინაღდა, რომელიც 2026 წლის იანვარში დანიაში, ნორვეგიასა და შვედეთში გაიმართება.