სეხუდო: "მერაბი ო'მალის შეაჩერებს"

UFC-ის ერთ-ერთმა გამორჩეულმა მებრძოლმა ჰენრი სეხუდომ UFC 306-ის წინ MMA Junkie-სთან საუბარში თავისი პროგნოზი დააფიქსირა.

"ჩემი პროგნოზი ასეთია. მერაბ დვალიშვილი შონ ო'მალის შეაჩერებს. ის მას დაამარცხებს. შესაძლოა 50-45 დაფიქსირდეს, შეიძლება მერაბმა პირველი ორი რაუნდი დათმოს, მაგრამ საბოლოოდ მაინც მოიგებს. თუმცა როგორც კი ეს მოხდება, მის გზაზე უმარ ნურმაგომედოვი გამოჩნდება, რომელიც ძალიან კარგი და ტექნიკური მებრძოლია." - განაცხადა სეხუდომ, რომელიც მერაბ დვალიშვილთან UFC 298-ზე გადაწყვეტილებით დამარცხდა.

UFC 306 15 სექტემბერს ლას ვეგასის The Sphere-ში გაიმართება. საჩემპიონო ორთაბრძოლაში მერაბ დვალიშვილი სუპერმსუბუქი წონის ქამრის მფლობელ შონ ო'მალის დაუპირისპირდება.

მერაბი შეეცდება UFC-ის ისტორიაში მეორე ქართველი ჩემპიონი გახდეს. თავის მხრივ კი ილია თოფურია 26 ოქტომბერს თავის ქამარს მაქს ჰოლოუეისთან ბრძოლაში დაიცავს.