შერმადინი: "სავარაუდოდ, სანაკრებო კარიერას ევრობასკეტის მერე დავასრულებ"

დანიასთან მოგებული მატჩის შემდეგ საქართველოს ნაკრების ერთ-ერთმა ლიდერმა, გიორგი შერმადინმა მედიასთან კომენტარი გააკეთა.

"ჩემთვის უკვე მე-6 ევრობასკეტია, აქამდე ყველა ევრობასკეტი ვითამაშე და ამ ერთსაც გამოვკარი ხელი.

აქვე ვიტყვი, რომ სავარაუდოდ, ჩემი სანაკრებო კარიერა დამთავრდება ამ ევრობასკეტის მერე, აგვისტოში, მერე კი ვნახოთ, რა იქნება.

საკლუბო კარიერას არ ვამთავრებ, მაგრამ ვფიქრობ, რომ ამ ევრობასკეტის მერე ჩემი სანაკრებო თამაშები მორჩება.

ვიტყვი იმას, რომ მართლაც ყველაფერი გავაკეთე, უკვე 20 წელია ეროვნული ნაკრების ღირსებას ვიცავ, ძალიან დიდი დრო გავიდა და ვფიქრობ, ყველაფერი გავაკეთე ამ გუნდისთვის." - განაცხადა შერმადინმა.

VIDEO: ევრობასკეტზე გასვლის ემოციები