-
Aa
+
ფონტის ზომა
ინგლისის პრემიერ ლიგის მე-8 ტურში ვულვზმა საკუთარ მოედანზე მანჩესტერ სიტი მიიღო.
თამაში მასპინძლებისთვის კარგად დაიწყო. მე-7 წუთზე ნელსონ სემედუს პასის შემდეგ ანგარიში იორგენ ლარსენმა გახსნა.
33-ე წუთზე ქალაქალებმა ანგარიში გაათანაბრეს. იოშკო გვარდიოლმა უკვე თავისი საფირმო გასროლა შემოგვთავაზა და ჟოზე სას კარი აიღო.
ვულვზი შეხვედრაში ქულის მოპოვებასთან ახლოს იყო, თუმცა 95-ე წუთზე ჯონ სტოუნსმა შეძლო თავის გამოჩენა, ანგარიში 1-2 გახადა და მანჩესტერ სიტის მნიშვნელოვანი 3 ქულა მოუტანა.
დღის მეორე შეხვედრაში და ტურის ცენტრალურ მატჩში ლივერპულმა ენფილდზე ჩელსის უმასპინძლა და იმავე ანგარიშით სძლია მეტოქეს (2-1).
ანგარიში 29-ე წუთზე მოჰამედ სალაჰმა გახსნა, რომელმაც პენალტი ზუსტად შეასრულა. მეორე ტაიმის სტარტზევე ლონდონელებმა ანგარიშის გათანაბრება მოახერხეს. 49-ე წუთზე ნიკოლას ჯექსონმა შეძლო გოლის გატანა, თუმცა ლურჯების სიხარულმა დიდხანს არ გასტანა.
51-ე წუთზე მოჰამედ სალაჰმა ამჯერად საგოლე გადაცემა მიითვალა, გამარჯვების გოლი კი კურტის ჯონსმა გაიტანა და ლივერპულს 3 ქულა ჩაუწერა აქტივში.
8 ტურის შემდეგ ლივერპულს 21 ქულა აქვს და სატურნირო ცხრილის ლიდერია, მანჩესტერ სიტი კი 20 ქულით მე-2 ადგილზეა.
თ
თაზო ჩარკვიანი
კომენტარები