ტენ ჰაგი: "დავამტკიცე, რომ ყოველთვის ვიმარჯვებ"

მანჩესტერ იუნაიტედის მთავარმა მწვრთნელმა ერიკ ტენ ჰაგმა Sky Sports-თან ისაუბრა.

"ტოტენჰემთან თამაშს ერთხელ ვუყურე. ხანდახან რაღაცებს უკან ახვევ, რომ მეტი გაიგო, მაგრამ მხოლოდ ერთხელ. ეს ცუდი პერფორმანსი იყო. მე პრობლემებზე უნდა მივუთითო და გუნდს გამოსავალი შევთავაზო.

მოთამაშეები ძალიან იმედგაცრუებულნი არიან, მაგრამ ისინი ძლიერი ადამიანები არიან და ჩვეულ მდგომარეობას დაუბრუნდებიან. ყველა უკან დახევის მიუხედავად, ისინი წინსვლას აგრძელებენ. ამ გუნდში სულისკვეთება ჩანს. ეს არის გუნდი, რომლის წევრებიც ერთმანეთისთვის იბრძვიან. ასევე გულშემატკივრებიც კვლავ მხარს გვიჭერენ პირველიდან უკანასკნელ მომენტამდე.

მფლობელებთან და მენეჯმენთთან განგრძობითად ვლაპარაკობ. ვსაუბრობთ, როგორ შეგვიძლია გავაუმჯობესოთ პროცესი. ჩვენ ერთად უნდა ვიბრძოლოთ, რომ ამ სიტუაციიდან გამოვიდეთ.

ამ სეზონში წარმატებას მიღწევას ვაპირებთ. ჩემს ბოლო 6 სეზონში მაისში ტიტული ყოველთვის მქონდა. ესაა, რასაც ვუმიზნებთ. მიზანი ყოველთვის ტიტულების მოგება და ჩემპიონატის ცხრილში რაც შეიძლება მაღლა დასრულებაა.

გუნდში პასუხისმგებლობას ვიზიარებთ. ჩემი საქმეა, რომ ფეხბურთელები ავათამაშო. მათ უნდა ვასწავლო, როგორ მოაგვარონ პრობლემა. ჩვენ ამ სიტუაციიდან გამოსასვლელად ერთად უნდა ვიბრძოლოთ.

დიდი ხნის განმავლობაში, მანჩესტერ იუნაიტედში გარდამავალი პერიოდია, უნდა შეგვეცალა ძველი მოთამაშეები. ჩვენი არჩევანი იყო, რომ მოგვეყვანა ახალგაზრდა ფეხბურთელები. როგორც იცით, მათ განვითარებას და იმის მიღებას, რაც მათგან გვინდა, დრო სჭირდება.

ჩემს კარიერაში დავამტკიცე, რომ მე ყოველთვის ვიმარჯვებ. ბოლო 6 წელიწადში 8 ტიტული მაქვს. ჩვენ კარგი პოტენციალი გვაქვს და დარწმუნებული ვარ, რომ ამ სეზონში დასახულ ჩვენს მიზნებს მივაღწევთ." - განაცხადა ნიდერლანდელმა სპეციალისტმა.

პრემიერ ლიგაში ჩატარებული 6 ტურის შემდეგ მანჩესტერ იუნაიტედი 7 ქულით მე-13 ადგილზეა.