ტენ ჰაგი ქომაგებს: "ყველაფერს გავაკეთებთ და FA თასს ოლდ ტრაფორდზე ჩამოვიტანთ"

ოლდ ტრაფორდზე სეზონის უკანასკნელი მატჩის ჩატარების შემდეგ, ერიკ ტენ ჰაგმა მანჩესტერ იუნაიტედის გულშემატკივრებს მიმართა.

„მინდა ყველას დიდი მადლობა გადაგიხადოთ სეზონის განმავლობაში დიდებული მხარდაჭერისთვის. როგორც იცით, სეზონი ადვილი არ იყო, მაგრამ ერთი რამ იყო სტაბილური - თქვენი ამ გუნდისადმი მხარდაჭერა. 

ეს სეზონი ჯერ არ დამთავრებულა. პირველი, ჩვენ ვეთამაშებით ბრაიტონს 3 ქულისთვის და შემდეგ, მივდივართ უემბლიზე და მე გპირდებით, რომ ეს ფეხბურთელები ყველაფერს გაიღებენ, რომ ეს თასი მოიგონ და ოლდ ტრაფორდზე ჩამოიტანონ. დარწმუნებულები ვართ, თქვენც იქ იქნებით და გუნდს მხარს დაუჭერთ. მადლობა, თქვენ მსოფლიოს საუკეთესო ფანები ხართ." - აღნიშნა ნიდერლანდელმა.

საინტერესოა, რომ მწვრთნელის ამ სიტყვებს სტადიონზე შეკრებილი პუბლიკა სხვადასხვანაირად შეხვდა - ტენ ჰაგის მიმართ ისმოდა როგორც მხურვალე ტაში, ისე სტვენაც.

25 მაისს მან იუნაიტედი ინგლისის თასის ფინალში მან სიტის დაუპირისპირდება.