2026 წლის მსოფლიო ჩემპიონატის ფინალის წინ, ნიუ-ჯერსის სტადიონზე გრანდიოზული დახურვის ცერემონია გაიმართება.
ფიფამ ოფიციალურად დაადასტურა, რომ ამერიკულ გრანდ-ფინალს ჰოლივუდის ვარსკვლავი ტომ კრუზი, პოპ-დივა ნიკოლ შერზინგერი და პოპულარული იუთუბერი IShowSpeed გააფორმებენ.
მათთან ერთად სცენაზე რობი უილიამსი და ლაურა პაუზინიც წარსდგებიან, ხოლო აშშ-ის ჰიმნს ჯენიფერ ჰადსონი შეასრულებს. შოუ 16 მასპინძელი ქალაქის კულტურასა და მუნდიალის საოცარ გზას მიეძღვნება. ტურნირის საოპერაციო დირექტორმა, ჰაიმო შირგიმ აღნიშნა, რომ ეს ცერემონია მუსიკითა და ფეხბურთით გააერთიანებს მსოფლიოს, სანამ მოედანზე ახალი ჩემპიონი გამოვლინდება.
ამჟამად მუნდიალზე ნახევარფინალური ციებ-ცხელებაა: საფრანგეთი ესპანეთს უპირისპირდება, მეორე წყვილში კი ინგლისი და არგენტინა შეეჯახებიან ერთმანეთს. სწორედ ამ გუნდებიდან საუკეთესო ორეული იბრძოლებს მსოფლიო თასისთვის ვარსკვლავური შოუს დასრულებისთანავე.
