ცნობილია, ვინ იქნება სტუმარი რონალდუს არხზე, რომელმაც "ინტერნეტი უნდა დაანგრიოს"

როგორც იცით, კრიშტიანუ რონალდუმ თავის იუთუბ არხზე სტუმარი დაანონსა, რომლის მასთან გამოჩენაც, პორტუგალიელის თქმით, ინტერნეტს დაანგრევს.

დადასტურდა, რომ ეს სტუმარი ამერიკელი იუთუბერი მისტერ ბისტი იქნება, რომელსაც ამ მომენტისთვის იუთუბზე 331 მილიონი გამომწერი ჰყავს.

ვიდეორგოლი მისტერ ბისტთან ერთად რონალდუს არხზე უკვე დღეს, 21 ნოემბერს, თბილისის დროით 18:00 საათისთვის გამოვა.

ვიდეოს ერქმევა: "მე შევხვდი მისტერ ბისტს, რათა ინტერნეტი დავანგრიო." 

იუთუბზე გამოჩენის შემდეგ, პორტუგალიელმა ნახევრად ხუმრობით ყველაზე პოპულარული იუთუბერის გამომწერების რაოდენობით გადასწრების მიზანი დაისახა.