თურქეთი საქართველოსთან დამარცხებული მიდის

ევროპის ჩემპიონატის მოსამზადებელ ეტაპზე ბოლო ამხანაგური მატჩი გამართა თურქეთის ნაკრებმა, რომელიც პოლონეთს დაუპირისპირდა.

შეხვედრა პოლონელთა გამარჯვებით 2-1 დასრულდა. მე-12 წუთზე ანგარიში კაროლ სვიდერსკიმ გახსნა, 77-ეზე კი ბარიშ ალფერ ილმაზმა გაათანაბრა.

90-ე წუთზე გამარჯვების გოლის ავტორი რომას ნახევარმცველი ნიკოლა ჟალევსკი გახდა.

თურქეთის ნაკრებმა ევრო 2024-მდე მეორე ამხანაგური მატჩი გამართა, პირველ შემთხვევაში ვინჩენცო მონტელას გუნდმა იტალიასთან უგოლო ფრე ითამაშა.

მომდევნო დაპირისპირება თურქებს უკვე ევროპის ჩემპიონატზე ქართველების წინააღმდეგ ელით. 18 ივნისს შეხვედრა დორტმუნდში შედგება.