თურქული კლუბი ზურიკო დავითაშვილით ინტერესდება

თურქულ პრესაში ზურიკო დავითაშვილის შესახებ საინტერესო ინფორმაცია ვრცელდება.

Takvim-ის ინფორმაციით, ბეშიქთაში 24 წლის ქართველი ფეხბურთელით ინტერესდება.

წყაროს ცნობით, შავ-თეთრები აქტიურად აკვირდებიან სენტ-ეტიენის ლიდერს, რომელიც ლიგა 1-ში დასარჩენად იბრძვის. ბეშიქთაშმა შესაძლოა სეზონის ბოლოს მიმართოს ფრანგულ კლუბს ზურიკოს თაობაზე.

დავითაშვილმა ლიგა 1-ის მიმდინარე სეზონში ჩატარებულ 30 მატჩში 7 გოლი და 7 საგოლე გადაცემა მიითალა.

ქართველ შემტევს სენტ-ეტიენთან კონტრაქტი 2028 წლამდე აკავშირებს, მისი სატრანსფერო ღირებულება Transfermarkt-ის მიხედვით 10 მილიონი ევროა.

ბეშიქთაში თურქეთის ჩემპიონატში მე-5 ადგილზეა და ევროზონაში მოსახვედრად იბრძვის. თურქული გუნდის მთავარი მწვრთნელი ოლე გუნარ სულშერია.