უეფამ ოქროს ბუცთან დაკავშირებით გადაწყვეტილება მიიღო

უეფამ ევროპის ჩემპიონატის ოქროს ბუცთან დაკავშირებით გადაწყვეტილება მიიღო.

აქამდე თუ ტურნირზე რამდენიმე მოთამაშე დააგროვებდა ერთი და იგივე რაოდენობის გოლს, მაშინ ყურადღება სხვა კრიტერიუმებს ექცეოდა. მაგალითად, ევრო 2020-ზე კრიშტიანუ რონალდუმ და პატრიკ შიკმა 5-5 გოლი გაიტანეს, თუმცა პორტუგალიელის ანგარიშზე 1 საგოლე გადაცემაც იყო და ამის გამო სწორედ მას გადაეცა ჯილდო.

უეფას თქმით კი წლევანდელ ტურნირზე თუ რამდენიმე მოთამაშე დააგროვებს ერთი რაოდენობის გოლს, მაშინ ჯილდოს ყველა მათგანი მიიღებს.

ამ მომენტისთვის ევრო 2024-ის ბომბარდირები 3-3 გოლით ჰარი კეინი, დანი ოლმო, ჯამალ მუსიალა, კოდი გაკპო, გიორგი მიქაუტაძე და ივან შრანცი არიან.

იმისთვის, რომ ჯილდო ქართველმა ფეხბურთელმაც დაიმსახუროს, ფინალურ მატჩში არც ჰარი კეინმა და არც დანი ოლმომ გოლი არ უნდა გაიტანონ.