უხვგოლიანი მატჩი და დრამა ბერნაბეუზე - რეალმა სელტა ექსტრა-ტაიმებში გაანადგურა

კოპა დელ რეის ბოლო 1/8 ფინალში მადრიდის რეალსა და სელტას შორის დრამატული მატჩი გაიმართა.

შეხვედრა სანტიაგო ბერნაბეუზე გაიმართა და რეალის გამარჯვებით 5:2 დასრულდა.

კილიან მბაპეს და ვინისიუსის გოლებით რეალი მშვიდად 2:0-ს იგებდა, თუმცა ფრანგის გაყვანის შემდეგ რეალმა ბოლო 10 წუთში ორი გოლი გაუშვა და საქმე დამატებით დროში გადავიდა.

პირველი ექსტრა ტაიმი უგოლოდ ჩამთავრდა, თუმცა შემდეგ ჯერ ენდრიკმა აიღო სელტას კარი უძლიერესი დარტყმით 108-ე წუთზე, ოთხ წუთში კი ფედე ვალვერდემ საოცარი შორეული გასროლით მეოთხე გოლის გატანა და მატჩის ინტრიგა საბოლოოდ მოკლა.

ბოლო გოლი ენდრიკმა გაიტანა, როცა კუთხურის შემდეგ საჯარიმოში არეულობით ისარგებლა და ქუსლით შეძლო სელტას კარის აღება. 

ამრიგად, რეალმა მეტოქე დიდ ბრძოლაში და გაჭირვებით, მაგრამ მაინც დაამარცხა და კოპა დელ რეის 1/4 ფინალში გავიდა, სადაც თავის მეტოქეს 20 იანვარს, წილისყრის შედეგად შეიტყობს.