უმწვრთნელო ირლანდია სანიოლის პასუხს ელოდება

The Irish Sun-ის ინფორმაციით ირლანდიის ფეხბურთის ფედერაციაში ნაკრების მთავარი მწვრთნელის დანიშვნის პროცესი ჭიანურდება, ისინი საქართველოს ნაკრების თავკაცის ვილი სანიოლის პასუხს ელოდებიან.

ირლანდიელთა დროებითი მწვრთნელი ამჟამად ჯონ ო'შია, რომელიც ზაფხულში უნგრეთთან და პორტუგალიასთან გუნდს უთავკაცებს.

სანიოლი კი ევრო 2024-სთვის ემზადება და მზადაა საქართველოს ნაკრებს ისტორიაში პირველ სანაკრებო ტურნირზე გაუძღვეს.

ირლანდიაში იმედი აქვთ, რომ ფრანგი სპეციალისტი ევროპის ჩემპიონატის დასრულების შემდეგ მათთან გადაბარგებას გადაწყვეტს.