ინგლისის ნაკრების მცველმა, კაილ უოკერმა, ევრო 2024-ს ფინალში ესპანეთთან მარცხზე ისაუბრა.
„ამ წაგების ტკივილი დიდხანს გამყვება. დარწმუნებული ვიყავი, რომ ჩვენი დროც მოვიდა, მაგრამ ამაოდ. ესპანეთი ქებას იმსახურებს: ისინი დიდებულად თამაშობდნენ და გამარჯვებული აუცილებლად ერთი უნდა ყოფილიყო.
მადლობა ყველას იმისთვის, რაც გაკეთდა. უდიდესი მადლობა ფანებს, რომლებიც გერმანიაში ჩამოვიდნენ და იმათაც, ვინც სახლიდან გვქომაგობდა.
ახლა მოვიდა დრო, რომ დავისვენოთ და ყველაფერი ახლიდან რამდენიმე კვირაში დავიწყოთ." - აღნიშნა უოკერმა.
