უოტფორდის მთავარმა მწვრთნელმა, ტომ კლევერლიმ, გიორგი ჩაკვეტაძეზე ისაუბრა.
„როცა გუნდში დავინიშნე, გიორგის ტრავმამ შეაწუხა და ბევრჯერ ერთად არც გვიმუშავია. საბედნიეროდ, ევროპის ჩემპიონატის მოახლოვებისთვის ის სრულიად გამოჯანმრთელდა.
მიხარია, როცა ვხედავ, რომ ჩაკვეტაძე მატჩებშიც და ვარჯიშებზეც ზუსტად ისე იხარჯება, როგორც სანაკრებო მატჩებში.
10 დღეა ვარჯიშებზე ვადევნებ თვალს და ასეთ ფორმაში ჩაკვეტაძე ჯერ არ მინახავს. მას შეუძლია, გუნდის ლიდერი და შეუცვლელი ფიგურა გახდეს ამ ახალ სეზონში. გიორგი პოზიციას საოცრად არჩევს და სივრცეების ათვისების დიდებული უნარი აქვს, რომ არაფერი ვთქვა ბურთთან მუშაობაზე." - აღნიშნა უოტფორდის დამრიგებელმა, რომლის სიტყვებსაც Geo Team ავრცელებს.
