ვიდეო: ბითაძეს ორმაგ დუბლამდე 1 მოხსნა დააკლდა - ორლანდომ მოიგო

NBA-ს რეგულარული სეზონის მატჩში ორლანდო მეჯიქი ნიუ ორლეან პელიკანსს დაუპირისპირდა და 115-88 დაამარცხა.

პარკეტზე 27 წუთი გაატარა გოგა ბითაძემ, რომელსაც ორმაგ დუბლამდე 1 მოხსნა დააკლდა. ქართველის მონაგარი ასეთი იყო - 11 ქულა, 9 მოხსნა, 3 შედეგიანი გადაცემა. გოგამ თამაშიდან 6-დან 5 ბურთი ჩააგდო.

ორლანდოს ქულებში ფრანც ვაგნერმა ულიდერა, რომელმაც 27 ქულა მიითვალა.

მეჯიქს 10 მატჩში 4 მოგება აქვს და ამ შედეგით აღმოსავლეთ კონფერენციაში მე-7 ადგილზეა.