10 სთ წინ · 0 წთ წასაკითხად
-
Aa
+
ფონტის ზომა
21 ნოემბერს, ევრობასკეტ 2025-ის საკვალიფიკაციო ეტაპის მატჩში საქართველოს ნაკრები ფინეთს ესტუმრება. მატჩი 20:30 საათზე დაიწყება.
ჯგუფურ ეტაპზე გუნდებს 2-2 მატჩი აქვთ ჩატარებული, სიტუაცია კი ასეთია:
1. სერბეთი - 4 ქულა
2. ფინეთი - 3 ქულა
3. დანია - 3 ქულა
4. საქართველო - 2 ქულა
ფინეთს, როგორც ევრობასკეტის ერთ-ერთ მასპინძელს, ტურნირზე თამაში გარანტირებული აქვს, მის გარდა კი ჯგუფიდან 2 საუკეთესო გუნდი გავა.
საქართველო ფინეთში 13 კაცით ემზადება: გიორგი შერმადინი, ბექა ბურჯანაძე, რატი ანდრონიკაშვილი, კამარ ბოლდუინი, ლუკა მაზიაშვილი, მათე ხატიაშვილი, ლუკა ლიკლიკაძე, მათე ყავლაშვილი, დუდა სანაძე, კახა ჯინჭარაძე, ალექსანდრე ფევაძე, გიორგი კორსანტია, ილია ლონდარიძე.
გიორგი ოჩხიკიძე გუნდთან ერთადაა, თუმცა ფეხის ტრავმის გამო ვარჯიშს ვერ ახერხებს. კაპიტანი თორნიკე შენგელია კი გუნდს მატჩის დღეს შეუერთდება.
საქართველო და ფინეთი აქამდე 3-ჯერ შეხვდნენ ერთმანეთს, ერთი მატჩი ჩვენმა გუნდმა მოიგო, 2 კი - ფინეთმა.
საქართველო 73-87 ფინეთი - 2011 წელი
ფინეთი 85-91 საქართველო - 2020 წელი
საქართველო 70-78 ფინეთი - 2021 წელი
სტუმრად მატჩის შემდეგ საქართველოს ნაკრები მე-4 ტურში კვლავ ფინეთს დაუპირისპირდება, ამჯერად თბილისში. ეს შეხვედრა 24 ნოემბერს გაიმართება.
თ
თაზო ჩარკვიანი
კომენტარები
