ვიდეო: ბითაძის ორმაგი დუბლი ბრუკლინთან - ორლანდომ მოიგო

NBA-ს რეგულარული სეზონის მატჩში ორლანდო მეჯიქმა ბრუკლინ ნეტსი 100-92 დაამარცხა.

გოგა ბითაძემ პარკეტზე 32 წუთი გაატარა, რა დროშიც ორმაგი დუბლი შეასრულა - 12 ქულა, 13 მოხსნა, 2 შედეგიანი გადაცემა.

ქართველმა თამაშიდან 6-დან 4 ბურთი ჩააგდო, საჯარიმოებიდანაც 6-დან 4.

ორლანდოს ფრანც ვაგნერმა ულიდერა, რომელმაც 20 ქულა, 9 მოხსნა და 8 შედეგიანი გადაცემა მიითვალა.

მეჯიქს 22 მატჩში 15 მოგება აქვს და აღმოსავლეთ კონფერენციაში მე-3 ადგილზეა. ბითაძის გუნდს მხოლოდ კლივლენდი და ბოსტონი უსწრებენ.