ვიდეო: ჩაკვეტაძის საოცარი გოლი მილუოლთან

ინგლისის ჩემპიონშიფის პირველ ტურში უოტფორდი მილუოლს ესტუმრა. სასტარტო შემადგენლობიდან დაიწყო თამაში გიორგი ჩაკვეტაძემ.

ქართველმა ნახევარმცველმა 55-ე წუთზე საჯარიმო დარტყმით ულამაზესი გოლი გაიტანა და ანგარიში 0-2 გახადა.

მეორე ტაიმის მეორე ნახევარში უოტფორდმა ორბურთიანი უპირატესობა გაანიავა, 74-ე და 88-ე წუთებზე გატანილი გოლებით დანკან უოტმორმა დუბლი შეასრულა, თუმცა მილუოლმა ქულის მოპოვება მაინც ვერ შეძლო. 90-ე წუთზე მილეტა რაიოვიჩმა თავური დარტყმით გამარჯვების გოლი გაიტანა და ტომ კლევერლის გუნდს პირველ ტურში 3 ქულა მოუტანა.

გიორგი ჩაკვეტაძემ მოედანი 94-ე წუთზე დატოვა. Sofascore-სგან ქართველმა 7.7 შეფასება დაიმსახურა, რაც უოტფორდის შემადგენლობაში საუკეთესო შედეგია.

ჩაკვეტაძის გუნდი მომდევნო მატჩს 13 აგვისტოს ინგლისის თასზე MK დონსის წინააღმდეგ გამართავს.