შეხვედრაში ინციდენტი მოხდა გოგა ბითაძესა და ლუკა დონჩიჩს შორის, რის გამოც სლოვენიელმა სეზონში მე-16 ტექნიკური ჯარიმა მიიღო და თუ გადაწყვეტილება არ შეიცვალა, ის ლეიკერსის მომდევნო მატჩს დეტროიტ პისტონსის წინააღმდეგ გამოტოვებს.
ლუკა დონჩიჩმა თქვა, რომ გოგა ბითაძემ სერბულად მის მთელ ოჯახს შეურაცხყოფა მიაყენა:
„[გოგა ბითაძემ] მთელ ჩემს ოჯახს შეურაცხყოფა მიაყენა… რაღაც მომენტში ეს ვეღარ ავიტანე. საკუთარი თავი უნდა დამეცვა.“
ინციდენტზე გოგა ბითაძემაც გააკეთა კომენტარი:
„დიდ პატივს ვცემ ლუკას და იმას, რაც მან მიაღწია. ასევე პატივს ვცემ ყველას ოჯახს. იქ, საიდანაც მე ვარ, ოჯახი ძალიან წმინდაა და ჩვენ დიდ პატივს ვცემთ ერთმანეთს. მე არასდროს ვიტყოდი ასეთ რამეს პირდაპირ.
რაც [დონჩიჩმა] თქვა, არ მგონია სიმართლე იყოს. ვიცი, რომ ასე არ არის. ვიცი, რა ვთქვი… ბოდიშს ვიხდი, თუ ზღვარს გადავცდი.
მან რაღაც თქვა დედაჩემზე, რაც ძალიან შეუსაბამოა. ჩვენ ასეთ რამეებს არ ვამბობთ… ამიტომ მეც იგივე დავუბრუნე.“
ლეიკერსის მთავარმა მწვრთნელმა, ჯეი ჯეი რედიკმა თქვა, რომ გოგა ბითაძემ დონჩიჩის დედაზე რაღაც თქვა ისეთ ენაზე, რომელიც მსაჯებმა ვერ გაიგეს, რის შემდეგაც ტექნიკური ჯარიმები დაინიშნა. რედიკმა აღნიშნა, რომ ლეიკერსი დონჩიჩის ტექნიკურ ჯარიმას ლიგაში გაასაჩივრებს.
