VIDEO: მინესოტა შემდეგ ეტაპზეა, ჰიუსტონმა გოლდენ სტეიტთან სხვაობა შეამცირა

NBA-ს პლეიოფში სერიების მე-5 მატჩები გაიმართა.

ჰიუსტონ როკეტსმა გოლდენ სტეიტ უორიორსი 131-116 დაამარცხა და სერიის ანგარიშში სხვაობა შეამცირა (3-2).

გამარჯვებულ გუნდს ფედ ვანვლიტმა ულიდერა 26 ქულით, გოლდენის მხრიდან კი მოზეს მუდი იყო გამორჩეული 25 ქულითა და 9 მოხსნით.

გუნდებს შორის მე-6 მატჩი 3 მაისს გაიმართება.

სერია დაიხურა ლოს ანჯელეს ლეიკერსსა და მინესოტა ტიმბერვულვზს შორის. მე-5 მატჩი ამ უკანასკნელის გამარჯვებით 96-103 დასრულდა და სერიაშიც ანგარიში 4-1 გახდა.

ლეიკერსის მხრიდან 28 ქულა, 7 მოხსნა და 9 შედეგიანი გადაცემა მიითვალა ლუკა დონჩიჩმა, თუმცა ეს საკმარისი არ აღმოჩნდა.

მინესოტადან კი საოცარი სტატისტიკა ჰქონდა რუდი გობერს - 27 ქულა და 24 მოხსნა.

ტიმბერვულვზი შემდეგ ეტაპზე სწორედ ჰიუსტონსა და გოლდენ სტეიტს შორის გამარჯვებულს შეხვდება.