VIDEO: ნიკოლა იოკიჩის ზედიზედ მეორე სამმმაგი დუბლი

NBA-ის რეგულარული სეზონის მატჩში დენვერ ნაგეტსი ფინიქს სანსს დაუპირისპირდა და 133-111 დაამარცხა.

გამარჯვებულ გუნდს ქულებში ჯამალ მარიმ ულიდერა, რომელმაც 23 ქულა მიითვალა.

გამოსარჩევია ნიკოლა იოკიჩის სტატისტიკა, რომელმაც ზედიზედ მეორე სამმაგი დუბლი შეასრულა - 14 ქულა, 14 მოხსნა, 15 შედეგიანი გადაცემა.

წინა შეხვედრაში სერბმა 21 ქულა, 13 მოხსნა და 10 შედეგიანი გადაცემა ჩაიწერა აქტივში.

იოკიჩმა კარიერაში 69-ე სამმაგი დუბლი შეასრულა მეოთხე მეოთხედამდე. ნიკოლას უკვე 31 სამმაგი აქვს 15+ ასისტით შესრულებული, ყველა სხვა ცენტრს ისტორიაში კი ჯამში 14 ასეთი სამმაგი აქვს.

სერბი გახდა NBA-ის ისტორიაში მე-5 მოთამაშე, რომელმაც სეზონი ზედიზედ ორი სამმაგი დუბლით გახსნა - რასელ უესტბრუკი (2020-21), მეჯიქ ჯონსონი (1981-82, 1982-83), ჯერი ლუკასი (1972-73), ოსკარ რობერტსონი (1961-62).