ვიდეო: ორლანდომ ფილადელფია დაამარცხა - ბითაძემ 27 წუთი ითამაშა

NBA-ს რეგულარული სეზონის მატჩში ორლანდო მეჯიქმა ფილადელფია სევენთისიქსერსი 98-86 დაამარცხა.

პარკეტზე 27 წუთი გაატარა გოგა ბითაძემ, რომელმაც 2 ქულა, 4 მოხსნა და 1 შედეგიანი გადაცემა მიითვალა. მან თამაშში ერთი ორქულიანი ისროლა და ჩააგდო.

ორლანდოს ლიდერობას აგრძელებს ფრანც ვაგნერი, რომელიც ძალიან კარგ ფორმაშია. მან ორმაგი დუბლი შეასრულა - 31 ქულა, 11 მოხსნა, 6 შედეგიანი გადაცემა.

14 მატჩში 8 მოგებით ორლანდო მეჯიქი აღმოსავლეთ კონფერენციაში მე-3 ადგილზეა, ფილადელფიას კი 12 შეხვედრაში მხოლოდ 2 გამარჯვება აქვს და ამავე კონფერენციაში მე-14 პოზიციაზეა.