ვიდეო: საბას შოუ - ლობჟანიძის დუბლი და მესის გოლი

MLS-ის მორიგ სათამაშო დღეს ინტერ მაიამიმ ატლანტა იუნაიტედი მიიღო.

მასპინძელთა მხრიდან სასტარტო შემადგენლობაში იყვნენ ჟორდი ალბა, სერხიო ბუსკეტსი, ლუის სუარესი და ლეო მესი, სტუმართა მხრიდან კი - საბა ლობჟანიძე.

პირველი ტაიმის მიწურულს. 44-ე წუთზე ანგარიში სწორედ ქართველმა შემტევმა შორეული დარტყმით გახსნა.

59-ე წუთზე ლობჟანიძემ ასევე საჯარიმოს გარედან დარტყმულით უკვე დუბლი შეასრულა. საბა პირველი გოლი მარჯვენა ფეხით გაიტანა, მეორე - მარცხენათი.

მალევე, 62-ე წუთზე უკვე ლეო მესიმ შეაგდო თავისი გოლი, რომელიც მსოფლიო ჩემპიონატზე მექსიკასთან გატანილი ბურთის ანალოგი იყო.

73-ე წუთზე კი ლობჟანიძის თანაგუნდელმა ჯამალ ტიარემ მატჩის საბოლოო ანგარიში 1-3 დააფიქსირა.

საბა 75-ე წუთზე შეცვალეს, მან Sofascore-ის მიხედვით 8.7 შეფასება დაიმსახურა და მატჩის საუკეთესო მოთამაშეც გახდა. ქართველს MLS-ის მიმდინარე სეზონში 4 გოლი დაუგროვდა.

ატლანტამ MLS-ში ინტერის 10-მატჩიანი წაუგებელი სერია დაასრულა. ლობჟანიძის გუნდი აღმოსავლეთ კონფერენციაში 16 ქულით მე-12 ადგილზეა, ინტერ მაიამი კი 34 ქულით პირველ ადგილზე რჩება.