VIDEO: შეჩერებული მატჩი და ჟორჟის ასისტი - რონის დერბიში 3 ქულა ზურიკოს დარჩა
20 აპრ, 2025 · 0 წთ წასაკითხად
ლინკის დაკოპირება
-
Aa
+
ფონტის ზომა
საფრანგეთის ლიგა 1-ის 30-ე ტურში ფრანგული ფეხბურთის ერთ-ერთი დიდი მატჩი, რონის დერბი გაიმართა, სადაც სენტ-ეტიენმა საკუთარ მოედანზე ლიონი მიიღო.
შეხვედრა სასტარტო შემადგენლობიდან დაიწყო ორივე ქართველმა, ზურიკო დავითაშვილმა და გიორგი მიქაუტაძემ.
თამაშში ანგარში მე-10 წუთზე მასპინძელთა მხრიდან ლუკას სტასინმა გახსნა. პირველი ტაიმის ბოლოს ტრიბუნიდან მსაჯს ნასროლი ნივთი მოხვდა, რის გამოც მატჩი დროებით შეჩერდა, თუმცა შემდეგ გაგრძელდა.
67-ე წუთზე სტასინმა თავური დარტყმით დუბლი შეასრულა და სხვაობა ორამდე გაზარდა. 76-ე წუთზე ტანერ ტესმანმა ლამაზი გოლით ერთი ბურთი გაქვითა, საგოლე გადაცემა გიორგი მიქაუტაძემ მიითვალა.
ლიონმა მატჩის გადარჩენა ვეღარ შეძლო და 3 ქულა სენტ-ეტიენს დარჩა, რომლისთვისაც ეს გამარჯვება ძალიან მნიშვნელოვანია.
გარდა იმისა, რომ ზურიკოს გუნდმა ისტორიული დერბი მოიგო, ის 27 ქულით უშუალო კონკურენტ ლე ავრს გაუთანაბრდა. სწორედ ეს 2 გუნდი იბრძვის ლიგა 1-ში დასარჩენად.
ლიონი კი ამ მარცხის შემდეგ 51 ქულით მე-6 პოზიციაზე იმყოფება და ჩემპიონთა ლიგის ზონას 2 ქულით ჩამორჩება.
დღევანდელი საგოლე გადაცემის შემდეგ გიორგი მიქაუტაძეს ლიგა 1-ის მიმდინარე სეზონში 9 გოლი და 6 ასისტი დაუგროვდა.
