ვიდეო: წლის მოგერიება? მამარდაშვილმა ვალენსია წაგებისგან იხსნა

ლა ლიგის მე-11 ტურში ვალენსია ხეტაფეს ესტუმრა. შეხვედრა ფრედ 1-1 დასრულდა. 

36-ე წუთზე ანგარიში ვალენსიელთა მხრიდან ენცო ბარენეჩეამ გახსნა. ღამურები გამარჯვებასთან ახლოს იყვნენ, თუმცა საბოლოოდ კინაღამ წააგეს.

90-ე წუთზე მამარდაშვილის კარის მიმართულებით პენალტი დაინიშნა, რომელიც მაურო არამბარიმ შეასრულა ზუსტად. 

95-ე წუთზე კი მასპინძლებს მოგებაც შეეძლოთ, თუმცა ქართველმა მეკარემ ახლო მანძილიდან დარტყმული ზედიზედ ორი ბურთი საოცრად მოიგერია და ვალენსიას ამ თამაშში ქულა დაუტოვა.

😵‍💫 ¡Lo de Mamardashvili es DE LOCOS!#LALIGAHighlights | #LALIGAEASPORTS pic.twitter.com/La3VgtKEIo

— LALIGA (@LaLiga) October 27, 2024

გულშემატკივრები ამ მოგერიებას უკვე წლის ერთ-ერთ საუკეთესო სეივადაც ასახელებენ. მამარდაშვილმა ხეტაფესთან 4 მოგერიება დააგროვა, Sofascore-სგან კი 7.4 შეფასება დაიმსახურა, რაც მატჩის საუკეთესო მაჩვენებელია.

11 ტურის შემდეგ ვალენსია 7 ქულით სატურნირო ცხრილის ფსკერზე რჩება და უსაფრთხო ზონას 3 ქულით ჩამორჩება.