ვილი სანიოლს შესაძლოა ირლანდიის ნაკრებში დაუძახონ

საქართველოს ნაკრების მთავარი მწვრთნელი, ვილი სანიოლი, შესაძლოა ირლანდიის ნაკრების სათავეში ვიხილოთ.

 

ყოველ შემთხვევაში, თუ გამოცემა Irish Sun-ს დავუჯერებთ, ირლანდიის ფეხბურთის ფედერაციაში სწორედ ამის იმედი აქვთ.

 

ვილი სანიოლმა ინტერვიუში არ გამორიცხა, რომ ევრო 2024-ზე გასვლის შემთხვევაშიც კი, ეს ტურნირი მისთვის საქართველოს ნაკრების სათავეში უკანასკნელი იქნება. 

 

ნებისმიერ შემთხვევაში, ირლანდიის ნაკრები მწვრთნელის ძიებაში იმყოფება და საქართველოს ნაკრების ფრანგი თავკაცი მათ შორტ-ლისთში მოხვდა.

 

ორ კვირაში სანიოლის ნაკრები ევრო 2024-ზე გასასვლელი პლეი-ოფის ნახევარფინალში ლუქსემბურგს დაუპირისპირდება, ფინალში გასვლის შემთხვევაში კი რამდენიმე დღეში საბერძნეთს ან ყაზახეთს უმასპინძლებს.