სიახლეები
სეტანტა
სპორტის გურუ
ქვიზები
Copyright © 2023 Adjarabet Arena. All Rights Reserved.
6 თვის წინ · 0 წთ წასაკითხად
-
Aa
+
ფონტის ზომა
დღეს საღამოს სანტიაგო ბერნაბეუ დიდ მატჩს უმასპინძლებს.
გადავხედოთ დღევანდელი დიდი დაპირისპირების მთავარ მონაწილეებს ორივე გუნდიდან და მათ სეზონს
ვინისიუს ჯუნიორი
ბრაზილიელი სუპერვარსკვლავი უკვე მესამე სეზონია რეალის ერთ-ერთი მთავარი მამოძრავებელი ძალაა და წელსაც არაფერი შეცვლილა. ტრავმის გამო ვინის გარკვეული რაოდენობის მატჩების გამოტოვება მოუწია და ლიგაზეც 8 შესაძლოდან მხოლოდ 5 მატჩში მიიღო მონაწილეობა.
ამ ხუთ შეხვედრაში ვინისიუსმა 3 გოლი და 2 საგოლე პასი მიითვალა - ბრაზილიელი კარისკენ ყოველ მატჩში საშუალოდ 3-ჯერ ურტყამს, საიდანაც 1 ზუსტია ხოლმე.
რაც შეეხება ლა ლიგის სეზონს - აქ ვინის 20 მატჩი აქვს ჩატარებული, რომლებშიც 12 გოლი და 4 საგოლე პასი მიითვალა.
ჩემპიონთა ლიგის მსგავსად, ვინი ლიგაზეც ბევრს ურტყამს კარისკენ - საშუალოდ 3-ჯერ, საიდანაც ნახევარი (1.5) ზუსტია ხოლმე.
ჯუდ ბელინგემი
მიმდინარე სეზონის აღმოჩენა და ერთ-ერთი საუკეთესო ტრანსფერი. ინგლისელი ძალიან მალე ჩამოყალიბდა რეალის ლიდერად და კარლო ანჩელოტის მექანიზმის ერთ-ერთ მთავარ მამოძრავებელ ძალად.
მიმდინარე ჩემპიონთა ლიგის გათამაშებაში ჯუდმა 6 მატჩში ითამაშა, რომლებშიც დაუჯერებელი 4 გოლი და 4 საგოლე გადაცემა მიითვალა.
ინგლისელი კარისკენ 3.2-ჯერ ურტყამს, საიდანაც საშუალოდ 1.7 დარტყმა ზუსტია.
რაც შეეხება ლა ლიგას, აქ ჯუდს 16 გოლი და 4 საგოლე პასი აქვს, დარტყმების მაჩვენებელი კი ცოტათი უფრო დაბალი - 2.3-ჯერ კარისკენ, 1.2-ჯერ კარში.
ერლინგ ჰალანდი
ნორვეგიელმა ფორვარდმა თამასა იმ დონეზე ასწია, რომ მიმდინარე სეზონის ციფრების მიუხედავადაც კი, ბევრს მიაჩნია, რომ მას ცუდი პერიოდი აქვს - ჩემპიონთა ლიგაზე ერლინგმა 7 მატჩში 6 გოლი და 1 ასისტი მიითვალა.
ერთ მატჩში ლიგაზე ჰალანდი საშუალოდ 5.3-ჯერ ურტყამს კარისკენ, საიდანაც 2.9 ზუსტია ხოლმე.
პრემიერ ლიგაში ციფრები განსხვავებულია - 25 მატჩი, 19 გოლი და 5 საგოლე პასი, საშუალოდ 3.9-ჯერ კარისკენ ურტყამს და 1.8-ჯერ ზუსტად კარში.
კევინ დე ბრუინი
კევინ დე ბრუინს ძალიან დიდი დრო გაუცდა ამ სეზონში და პირველი მატჩი მხოლოდ ახალი წლის შემდეგ ჩაატარა. ამის გამო, ჩემპიონთა ლიგის მიმდინარე გათამაშებაში მას მხოლოდ ერთი თამაში აქვს ჩატარებული, რომლებშიც გოლიც გაიტანა და ასისტიც მიითვალა.
ამ შეხვედრაში დე ბრუინმა კარში 7-ჯერ დაარტყა, საიდანაც ზუსტი 3 გამოდგა.
პრემიერ ლიგას თუ გადავხედავთ, აქ ბელგიელს 11 მატჩი აქვს, რომლებშიც მან 3-ჯერ მოახერხა თავის გამოჩენა, 6-ჯერ კი თანაგუნდელებს გაატანინა.
ჩემპიონატის მატჩებში ქეიდიბი კარისკენ 1.9-ჯერ ურტყამს, საიდანაც ზუსტი 0.5 დარტყმა გამოდის.
კომენტარები