ჟურნალისტი: თოფურია ივნისში ქამრისთვის იბრძოლებს - ვარიანტი მხოლოდ ორია

MMA-ს ჟურნალისტის, ალვარო კოლმენეროს ინფორმაციით, ილია თოფურია ივნისში მსუბუქი წონის ქამრისთვის იბრძოლებს.

საუბარია 28 ივნისს გასამართ UFC 317 ღონისძიებაზე.

კოლმენეროს თქმით, თუ მახაჩევი მსუბუქ დივიზიონში დარჩება, მას ქამრის დაცვა თოფურიას წინააღმდეგ მოუწევს.

ხოლო იმ შემთხვევაში, თუ ისლამი ზედა წონაში გადაწყვეტს ასვლას, მაშინ ილია მსუბუქი წონის ქამრისთვის ჩარლზ ოლივეირას წინააღმდეგ იბრძოლებს.

ამ ინფორმაციას ისიც ამტკიცებს, რომ გუშინ თოფურიამ თავადაც დაპოსტა, რომ ბრძოლისთვის მზადება (კემპი) უკვე დაიწყო. 

ასევე კოლმენერო იმასაც უსვამს ხაზს, რომ დროებითი ჩემპიონის ვარიანტი ამ დივიზიონში გამორიცხულია - ისლამს ან ილიასავით ქამრის დათმობა უწევს სხვა დივიზიონში ასასვლელად, ან მისი დაცვა თოფურიას წინააღმდეგ.