VIDEO: მძიმე გამარჯვება მე-3 ლიგის გუნდთან — რეალი თასზე სირცხვილს გადაურჩა

კოპა დელ რეის პირველ ეტაპზე მადრიდის რეალმა მე-3 ლიგის გუნდი ტალავერა დიდი გაჭირვებით 3:2 დაამარცხა.

ჩაბი ალონსომ მოედანზე გადახალისებული შემადგენლობა გაიყვანა — ძირითადი შემტევებიდან მოედანზე მხოლოდ კილიან მბაპე იყო, რომელმაც დუბლი შეასრულა, კიდევ ერთი გოლი კი მადრიდელებმა ავტოგოლით გაიტანეს.

მე-3 ლიგის გუნდმა რეალს საკმაოდ ღირსეული წინააღმდეგობა გაუწია და ანგარიშის გათანაბრებასთანაც იყო ახლოს, თუმცა ბოლო წამებზე რეალი სირცხვილს ანდრეი ლუნინმა ბრწყინვალე სეივით გადაარჩინა.

ამ გამარჯვებით რეალმა კოპა დელ რეის 1/8 ფინალის საგზური მოიპოვა.

0-1 მბაპე 41' (პენ)

0-2 ავტოგოლი 45+1'

1-2 აროიო 80'

1-3 მბაპე 88'

2-3 ლოპესი 90+1'