ვიდეო: მინესოტამ ფინიქსი ბოლო წამზე დაამარცხა

NBA-ს რეგულარული სეზონის მატჩში მინესოტა ტიმბერვულვზი ფინიქს სანსს დაუპირისპირდა. თამაში დაძაბული გამოდგა და გამარჯვებულის ვინაობა ბოლო წამზე ჩაგდებული ბურთით გაირკვა, მინესოტამ მეტოქე 120-117 დაამარცხა.

გამორჩეული სტატისტიკა ჰქონდა დევინ ბუკერს, რომელმაც 44 ქულა მიითვალა, თუმცა ეს მის გუნდს გამარჯვებისთვის არ ეყო.

ტიმბერვულვზს კი ჯულიუს რენდლმა ულიდერა 35 ქულით, სწორედ მან ჩააგდო ბოლო წამზე თამაშის მომგები სამქულიანი.

მინესოტა 14 მატჩში 8 მოგებით დასავლეთ კონფერენციაში მე-9 ადგილზეა, ფინიქსი კი 9 გამარჯვებით მე-5 პოზიციაზეა.